| Comunicado Festas de Vigo|
A cidade de vigo sempre foi motor do sector cultural e da industria cultural galega e especificamente da industria musical, apostando pola diversidade cultural da súas propostas. Así foi durante todas as corporacións democráticas dos últimos anos independentemente de que partido ou persoa estivera á fronte delas.
Non resulta comprensible que nun momento de escaseza de recursos económicos das distintas administracións e da sociedade en xeral, ó Concello aposte pola repetición con recursos públicos dun mesmo espectáculo dun mesmo artísta nun prazo de 5 meses. Non podemos entender que intereses agocha tal decisión e moito menos tendo en conta que a proposta foi elaborada por unha empresa cuxa constitución coincide coa celebración do primeiro concerto e da que descoñecemos a súa solvencia no sector.